Գաղափարը՝ հստակ։
Իրականացումը՝ հաշվարկված։

Նոր կառուցվող և վերակառուցվող օբյեկտների նախագծային փաստաթղթերի մշակում՝ ճարտարապետական, կոնստրուկտորական և ինժեներական բաժինների համադրմամբ։ Արդյունքը փոխհամաձայնեցված նախագծային փաթեթ է՝ համապատասխան հաշվարկներով, աշխատանքային գծագրերով և տեխնիկական մասնագրերով՝ առաջադրանքով սահմանված կազմով։

Տարածքի պլանավորում, ոճային և նյութական լուծումներ, լուսավորության ու կահավորման համակարգում։ Դիզայն նախագիծը ներառում է հայեցակարգ, վիզուալիզացիաներ և իրականացման համար անհրաժեշտ աշխատանքային գծագրեր՝ համաձայնեցված կազմով։

Շենքի արտաքին կերպարի, ճակատների նյութերի, գունային լուծումների և լուսավորության մշակում՝ շրջակա միջավայրի ու ճարտարապետական համատեքստի հաշվառմամբ։ Արդյունքը ներկայացվում է վիզուալիզացիաներով և անհրաժեշտ գծագրերով։

Կրող համակարգի ընտրություն և հաշվարկ, հիմքերի, սյուների, պատերի ու ծածկերի նախագծում։ Փաստաթղթերը ներառում են կոնստրուկտիվ լուծումներ, հանգույցներ և աշխատանքային գծագրեր՝ ճարտարապետական ու ինժեներական բաժինների հետ համադրմամբ։

Տարբեր ծավալի ու բարդության շինարարական, վերակառուցման և հարդարման աշխատանքների կազմակերպում և իրականացում։ Աշխատանքները կատարվում են համաձայնեցված նախագծի, ժամանակացույցի և պայմանագրային պահանջների հիման վրա՝ սահմանված որակի պահանջների պահպանմամբ և կատարված աշխատանքների փաստագրմամբ։

Նախագծման և իրականացման փուլերի կառավարում՝ աշխատանքի ծավալի, ժամանակացույցի, բյուջեի և մասնակիցների պարտականությունների համակարգմամբ։ Ծառայությունն ընդգրկում է առաջընթացի հետևումը, փոփոխությունների ու ռիսկերի կառավարումը և պատվիրատուի, նախագծողների ու կապալառուների միջև տեղեկատվության կազմակերպված փոխանակումը։

Շինարարական աշխատանքների, կիրառվող նյութերի և կոնստրուկցիաների համապատասխանության հսկողություն՝ նախագծային փաստաթղթերին և կիրառելի տեխնիկական պահանջներին։ Ծառայությունն ընդգրկում է կատարվող աշխատանքների ստուգումը, թերությունների ու շեղումների արձանագրումը, դրանց վերացման ընթացքի վերահսկումը և համապատասխան փաստաթղթերի վարումը։

Շենքերի և շինությունների փաստացի տեխնիկական վիճակի ուսումնասիրություն՝ առկա փաստաթղթերի վերլուծությամբ, տեղազննությամբ, չափագրումներով և հայտնաբերված վնասվածքների ու թերությունների փաստագրմամբ։ Արդյունքը տեխնիկական եզրակացություն է՝ գնահատմամբ և առաջարկություններով, իսկ համապատասխան առաջադրանքի դեպքում՝ նաև տեխնիկական անձնագիր։

Էլեկտրամատակարարման և լուսավորման, ջեռուցման, օդափոխության ու օդի լավորակման, ջերմագազամատակարարման, ջրամատակարարման և ջրահեռացման, կապի ու ազդանշանային համակարգերի նախագծում։ Համապատասխան հաշվարկները, սխեմաները, գծագրերն ու սարքավորումների մասնագրերը համադրվում են շենքի ճարտարապետական և կոնստրուկտորական լուծումների հետ։

Ճարտարապետական, ինտերիերային և էքստերիերային լուծումների եռաչափ մոդելավորում և պատկերների պատրաստում։ Վիզուալիզացիան ներկայացնում է ծավալները, նյութերը, լուսավորությունն ու միջավայրի հետ կապը՝ նախագծային տարբերակների գնահատման և վերջնական լուծումների համաձայնեցման համար։

Փորձաքննության ներկայացված քաղաքաշինական փաստաթղթերի մասնագիտական ուսումնասիրություն՝ ելակետային տվյալների, հաշվարկների, նախագծային լուծումների և բաժինների փոխհամաձայնեցվածության գնահատմամբ։ Արդյունքը փորձագիտական եզրակացություն է՝ համապատասխան մասնագիտական ուղղությունների և կիրառելի պահանջների շրջանակում։